Analisti politik Arbnor Sadiku ka kritikuar mënyrën se si ligji për pensionet në Kosovë trajton pensionistët, duke theksuar se ekziston një dallim i padrejtë mes pensionistëve kontribuues dhe atyre jo-kontributdhënës.
Sipas interpretimit të Ministrisë së Financave, pensionistët që kanë paguar kontribute për sigurime shoqërore nuk kanë detyrim të rregullt për të lajmëruar statusin e tyre, ndërsa pensionistët jo-kontributdhënës obligohen të paraqiten çdo gjashtë muaj për të dëshmuar se janë gjallë.
Sadiku vlerëson se ky diferencim është i padrejtë dhe potencialisht diskriminues. Ai thekson se të gjithë pensionistët, pavarësisht statusit ekonomik apo historikut të punës, duhet të trajtohen me të njëjtin standard administrativ.
Sipas tij, detyrimi shtesë për pensionistët jo-kontributdhënës krijon barrë administrative dhe stres të panevojshëm, veçanërisht për kategoritë më të cenueshme të shoqërisë. Ai shton se parimet e barazisë dhe mosdiskriminimit janë të garantuara me Kushtetutën e Kosovës dhe se trajtimi i pabarabartë në bazë të statusit kontribues bie ndesh me këto parime.
Sadiku përfundon se vendosja e disa pensionistëve në një pozitë më të pafavorshme, vetëm për shkak se nuk kanë pasur mundësi apo rrethana për të kontribuar më herët, është e papranueshme dhe kërkon rishikim institucional.
Postimi i plotë: