Agjencia e Statistikave të Kosovës ka publikuar Indeksin e Kostos së Ndërtimit (IKN) për tremujorin e katërt të vitit 2025, i cili tregon rritje të kostos së ndërtimit si në baza tremujore, ashtu edhe në krahasim me vitin e kaluar.
Sipas të dhënave zyrtare, indeksi i tërësishëm i Kostos së Ndërtimit në në tremujorin e katër të vitit të kaluar ka shënuar rritje prej 0,5% krahasuar me tremujorin e tretë të 2025. Ndërkaq, në krahasim me të njëjtën periudhë të vitit paraprak (TM4 2024), rritja arrin në 3,5%, transmeton Zeri.info.
Rritje tremujore: +0,5%
Në krahasim me tremujorin e tretë të vitit 2025, komponentët që ndikuan në rritjen e kostos janë:
Transporti: +3,5%
Pagat: +1,2%
Kostot e tjera: +1,2%
Materialet: +0,3%
Energjia: +0,2%
Rënie është shënuar vetëm te makineritë, me -0,1%.
Rritje vjetore: +3,5%
Në krahasim me TM4 2024, indeksi i përgjithshëm është rritur për 3,5% (3,6% sipas përllogaritjes së detajuar vjetore). Rritjen më të theksuar e ka shënuar:
Energjia: +9,8%
Pagat: +8,1%
Kostot e tjera: +5,3%
Transporti: +4,4%
Materialet: +2,6%
Edhe në këtë krahasim vjetor, makineritë kanë shënuar rënie prej -0,4%.
Të dhënat e publikuara nga ASK, me bazë referimi vitin 2015 (2015=100), tregojnë se trendi i rritjes së kostove në sektorin e ndërtimit po vazhdon, i ndikuar kryesisht nga energjia dhe pagat.
Raporti i plotë për Indeksin e Kostos së Ndërtimit (IKN) për TM4 2025 është i qasshëm në faqen zyrtare të ASK-së.