Fundi i vitit 2025 po shoqërohet me pritje dhe paqartësi lidhur me mundësinë e ndarjes së shtesave financiare prej 100 euro për fëmijë dhe pensionistë. Këtë vit, situata është edhe më specifike pasi vendi pritet të shkojë në zgjedhje më 28 dhjetor, gjë që shpesh ndikon në politikat sociale dhe vendimet qeveritare.
Në disa vite me radhë, qeveria ka ndarë shtesa financiare për kategori të ndryshme shoqërore, përfshirë fëmijët dhe pensionistët, sidomos në fund të vitit, si formë mbështetjeje përballë rritjes së kostos së jetesës. Këto masa janë pritur pozitivisht nga qytetarët dhe janë konsideruar ndihmë e rëndësishme për familjet dhe të moshuarit.
Për vitin 2025, deri më tani, janë ndarë shtesa vetëm për studentët, ndërsa për fëmijët dhe pensionistët ende nuk është marrë një vendim zyrtar. Kjo ka krijuar paqartësi dhe pritje të mëdha nga këto kategori.
Megjithatë, duke u bazuar në praktikat e viteve të kaluara dhe faktin që vendi ndodhet në prag të zgjedhjeve, ka gjasa të mëdha që të ketë shtesa edhe këtë vit. Vendimi përfundimtar pritet të merret dhe të komunikohet nga qeveria në ditët në vijim.
Qytetarët mbeten në pritje të njoftimeve zyrtare, të cilat do të sqarojnë nëse kjo mbështetje financiare do të realizohet edhe për fëmijët dhe pensionistët para përfundimit të vitit raporton kontabilisti.info