Kreu i Prishtinës, Përparim Rama, ka bërë të ditur se mbetet i hapur për një takim me kryeministrin në detyrë, Albin Kurtin, si dhe me ministrin në detyrë të Financave, Hekuran Muratin. Deklarata vjen një ditë pasi Rama nuk u lejua të marrë pjesë në takimin që qeveria zhvilloi me drejtuesit e sindikatave të Trafikut Urban.
Pas protestës dyorëshe të punëtorëve të transportit publik, Rama tha se situata në kryeqytet mbetet e pandryshuar dhe se problemet e njëjta po vazhdojnë.
Ai rikujtoi se prej muajsh ka ngritur alarmin për, siç tha, pengesat e vazhdueshme nga Ministria e Financave, të cilat po e rëndojnë funksionimin e kryeqytetit.
Ndërkohë, Komuna e Prishtinës ka paralajmëruar se nesër do të mbahet një seancë e jashtëzakonshme e Asamblesë komunale, ku tema kryesore do të jenë të hyrat vetanake.