Komisioni Qendror i Zgjedhjeve (KQZ) ka bërë të ditur se më 27 dhjetor qytetarët e Kosovës që jetojnë jashtë vendit do të kenë mundësinë të ushtrojnë të drejtën e tyre të votës në përfaqësitë diplomatike.
Sipas KQZ-së, për të votuar në këto përfaqësi, është e nevojshme që qytetari të ketë përfunduar me sukses regjistrimin për votim jashtë vendit, transmeton albinfo.ch.
“KY proces kërkon që votuesi të identifikohet me një dokument të vlefshëm identifikimi të lëshuar nga Republika e Kosovës, siç janë: letërnjoftimi, pasaporta ose leja e vozitjes,” thuhet në njoftimin e KQZ-së.
Gjithashtu, autoriteti zgjedhor ka sqaruar se mënyra e plotësimit të fletëvotimit do të ndjekë të njëjtat procedura si në zgjedhjet e kaluara.